Azərbaycan hökuməti Xəzər dənizinin Azərbaycan sektorunun cənub və şimal sahillərində süni torpaq sahələrinin yaradılmasına investorları cəlb etməyi planlaşdırır.
“Xəzər dənizinin (gölünün) Azərbaycan Respublikasına mənsub olan bölməsində süni torpaq sahələrinin yaradılması haqqında” qanun layihəsi Azərbaycan Milli Məclisinin müzakirəsinə çıxarılıb. Layihəyə əsasən, su fondunun torpaqlarından ayrılmış ərazidə – həm ayrıca torpaq sahəsində, həm də ona bitişik sahil zolağında və ya adada süni torpaq sahəsi yaradıla bilər.
Dəniz akvatoriyasında iri torpaq sahələrində tikinti obyektlərinin tikintisi, o cümlədən yaşayış binalarının tikintisi ölkə üçün aktualdır. Süni torpaq sahələri layihələri ekoloji və digər nəticələr nəzərə alınmaqla Şəhərsalma Məcəlləsinə uyğun hazırlanacaq.
Ətraflı məlumat http://surl.li/swowz
