Azərbaycan Asiya ilə Avropa arasında alternativ marşrut kimi mövqeyini gücləndirən Orta Dəhliz üzrə tranzit daşımalarının əhəmiyyətli dərəcədə artacağını gözləyir.
2026-cı ildə ölkə ərazisindən ümumi tranzit daşımalarının 16 mln ton, bunun təxminən 5,5 mln tonunun isə Orta Dəhlizin payına düşəcəyi proqnozlaşdırılır. Çindən təxminən 600 müntəzəm konteyner qatarının hərəkəti də gözlənilir.
2030-cu ilədək Orta Dəhliz üzrə yükdaşımaların həcmi 11 mln tona, yəni 2026-cı illə müqayisədə ikiqat səviyyəyə çata bilər. 2040-cı ilədək isə konteyner tranzitinin 900 min TEU təşkil edəcəyi proqnozlaşdırılır.
Daşımaların artması Azərbaycanın Avropa ilə Asiya arasında mühüm nəqliyyat-logistika qovşağı kimi rolunu gücləndirəcək.
Ətraflı — https://surl.li/sbaweb
