2024-cü ildə Azərbaycan rəqəmsal transformasiya, startap ekosisteminin inkişafı və texnoparkların fəaliyyəti sahəsində əhəmiyyətli nailiyyətlər əldə edib.
Rəqəmsal idarəetməyə keçid:
- Dövlət xidmətlərinin rəqəmsallaşdırılması çərçivəsində yeni xidmətlər – ASAN xidməti və e-Gov platforması;
- Rəqəmsal valyutalar və blokçeyn texnologiyalarının tətbiqi genişləndirilib;
- Elektron hökumət informasiya sistemi vətəndaşlara myGov tətbiqi vasitəsilə rəqəmsal şəxsiyyət məlumatlarını paylaşmağa imkan verir;
- Azərbaycanın məhkəmə sistemi rəqəmsal sənəd dövriyyəsi alt sisteminə inteqrasiya olunub;
- Digital Bridge adlı milli məlumat mübadilə sistemi və myGov platformasının yenilənmiş versiyaları işə salınıb.
Azərbaycan BMT-nin Elektron Hökumət İnkişafı İndeksi (EGDI) üzrə çox yüksək inkişaf etmiş ölkələr siyahısına daxil edilib. İctimai onlayn xidmətlərin və telekommunikasiya infrastrukturunun göstəriciləri 21% artıb.
Startaplar:
- Aqrutexnologiya, tibbi və fintex sahələrində startapların sayı artıb, yeni layihələr beynəlxalq bazarlara çıxış əldə edib. Startapların maliyyə dəstəyi İnnovasiya Agentliyinin qrantları və texnoparkların subsidiyaları ilə gücləndirilib;
- Genişzolaqlı internet xidmətləri genişləndirilib, 5G texnologiyası üzrə pilot layihələr uğurla tamamlanıb, genişmiqyaslı tətbiq 2025-ci ilə planlaşdırılır;
- İnnovasiya və Rəqəmsal İnkişaf Agentliyinin (IDIA) dəstəyi ilə üçüncü biznes mələk investorlar klubu DIVIDA yaradılıb;
- 4 milyon dollarlıq kapitala malik InMerge Ventures vençur fondu təsis edilib;
- Bakı və Sumqayıtda İnnovasiya Mərkəzləri (AIC) istifadəyə verilib.
İKT sektoru:
- 2024-cü ildə sektorun gəlirləri 12,5% artaraq təxminən 2 milyard dollara çatıb, ÜDM-də payı 1,8%-ə yüksəlib;
- Online Azerbaijan layihəsi çərçivəsində 1,5 milyona yaxın ev, mənzil və təsərrüfat internetə çıxış əldə edib, ümumi göstərici 3 milyona çatıb;
- Digital Bridge milli məlumat mübadilə sistemi vasitəsilə 1 milyarddan çox tranzaksiya həyata keçirilib. İnformasiya sistemlərinin inteqrasiya sayı 150-ni keçib, gündəlik tranzaksiya həcmi 1,5 milyon olub.
2025-ci il üçün əsas prioritetlər:
- İKT sektorunda əlavə dəyərin yaradılması;
- İnfrastrukturun inkişafının sürətləndirilməsi;
- Texnoloji sahibkarlar və startaplar üçün əlverişli mühitin yaradılması;
- Maliyyə resurslarına çıxışın genişləndirilməsi;
- Kibertəhlükələrə qarşı dayanıqlığın gücləndirilməsi.
Rəqəmsal iqtisadiyyat sahəsində gözləntilər haqqında ətraflı məlumat: http://surl.li/fwgtbf
