2023-cü ilin yanvar-noyabr aylarında ət istehsalı 1,1%, süd istehsalı 3,9%, yumurta istehsalı isə 9,4% artıb.
Azərbaycanda fermerlərə dəstək üçün müxtəlif növ subsidiya, güzəşt və kredit mexanizmləri təqdim edilir. Dövlət sənayeni subsidiya edir və kənd təsərrüfatı texnikasını lizinqə verir. Sahibkarlara güzəştli şərtlərlə verilən kreditlər hesabına yeni kənd təsərrüfatı sahələri yaradılır. Aqrar sahədə istehsalın artımı nəticəsində yeni emal müəssisələrinin yaradılmasına ehtiyac yarandı.
Hökumət kiçik və orta fermer təsərrüfatlarına üstünlük verir. Fermer təsərrüfatların yaradılmasında 80 mindən çox ailəyə yardım verilib. Azərbaycan eləcə də kənd təsərrüfatı sektorunun xarici investorlar üçün cəlbedici olması üzərində çalışır.
Kənd təsərrüfatı istehsalı sahəsində yeniliklər dövlət səviyyəsində dəstəklənir. Yeniliklər sayəsində məhsuldarlıq dəfələrlə artır, torpaq və su ehtiyatlarından daha səmərəli istifadə olunur, istehsal xərcləri azalır və buna görə də fermerlər daha çox gəlir qazanırlar.
Rəqəmsal kənd təsərrüfatının inkişafı prioritet istiqamətdir. Şəffaflıq prinsipi əsasında fermerlərin istənilən yerdə və istənilən vaxt bütün kənd təsərrüfatı xidmətlərinə asan çıxışını təmin edən Elektron Kənd Təsərrüfatı İnformasiya Sistemi istismara verilmişdir. Müasir üsullara əsaslanan elektron xidmətlər fermerlərə operativ xidmət göstərməklə bu sahədə vaxt itkisinin qarşısını alır. Ətraflı məlumat http://surl.li/oqvhc
Hazırda işğaldan azad edilmiş ərazilərdə kənd təsərrüfatı fəal şəkildə inkişaf edir. Regionun inteqrasiyası üçün yollar çəkilir, suvarma və yaşıl enerji sistemləri inkişaf etdirilir, minalardan təmizləmə işləri kompleksi həyata keçirilir. Ərazilərin Minatəmizləmə Agentliyi (ANAMA) Azərbaycanın işğaldan azad edilmiş ərazilərində 45 min hektara yaxın kənd təsərrüfatı sahəsini minalardan və partlamamış hərbi sursatlardan təmizləyib, 28 min hektara yaxın ərazinin sertifikat və xəritələri Kənd Təsərrüfatı Nazirliyinə təqdim edilib http://surl.li/ oqvbv
