Azərbaycanda 2024-cü il yanvarın 1-dən turizm fəaliyyəti subyektlərinin vergiyə cəlb edilməsi qaydası dəyişəcək. Otel və sanatoriyalara vergi güzəştləri veriləcək ki, bu da regional turizmin inkişafına təkan verəcək. Respublikanın şəhər və rayonlarında otel və sanatoriyaların fəaliyyətinə cəlb edilən daşınmaz əmlak vergisi 3 il müddətinə 75% endirilir. Güzəştlər Bakı, Sumqayıt, Xırdalan şəhərləri və Abşeron rayonuna şamil edilməyəcək.
Hökumətin bu addımı regional turizmdən gələn gəlirlərin kəskin şəkildə azaldığı “aşağı” mövsümdə biznesə təsiri azaldacaq. Turizm sektorunda yerləşdirmə obyektlərinin qiyməti yüksəkdir. Əmlaka görə vergi sabitdir və mövsümi fəaliyyət göstərən sahibkarlıq subyektlərində əhəmiyyətli vergi yükü yaradır. Turizm üçün vergi güzəştləri haqqında ətraflı məlumat http://surl.li/oqlmr
Qeyd edək ki, bu ilin yanvar-noyabr aylarında Azərbaycana dünyanın 186 ölkəsindən 2 milyona yaxın əcnəbi və vətəndaşlığı olmayan şəxs gəlib, bu isə ötən ilin müvafiq dövrü ilə müqayisədə təxminən 30% çoxdur.
