Ukraynanı tez və effektiv şəkildə yeniləmək, onu daha da gücləndirmək və gələcək nəsillər üçün müasirləşdirmək ONOVA” Ukrayna Yenilənmə Liqasının əsas məqsədidir. Platformada Ukraynanın yenidən qurulması və səmərəli yenilənməsi üçün müxtəlif fəaliyyət və təsir sahələrinin nümayəndələri iştirak edir.
“Biz “ONOVA”-da, başqa işlərlə yanaşı, dağıntılar haqqında məlumat toplayır və sistemləşdiririk; ayrı-ayrı obyektlərə, icmalara, sənayelərə və bütövlükdə Ukraynaya dəymiş zərərin və itkilərin məbləğini müəyyən edirik; bərpa üçün zəruri olan maliyyə qoyuluşlarının həcmini müəyyən edirik; icmanın ehtiyaclarını qiymətləndirir və modernləşmə, innovasiyalı texnologiyaların tətbiqi və s. imkanlarını müəyyənləşdiririk. “TƏRƏZİ” UABA-nın Azərbaycan biznesi ilə tərəfdaşlıq və əməkdaşlıq imkanları, investisiyaların cəlb edilməsi çox faydalıdır. Biz səmərəli tərəfdaşlığa və əməkdaşlığa ümid edirik”, – deyir Anar Rəfiyev, “Ukraynanın Enerji Səmərəliliyi və Enerjiyə Qənaət Fondu” İctimai Birliyinin prezidenti, Müşahidə Şurasının sədri; “Akelik Group”-un Ukrayna və Şərqi Avropa üzrə baş direktoru.
“Ukraynanın Bərpa Planına əsasən, ona daxil edilmiş 850 layihəni həyata keçirmək üçün Ukraynaya 750 milyard ABŞ dollardan çox vəsait lazımdır. Yalnız qüvvələri birləşdirməklə biz bərpa planını həyata keçirə biləcəyik. Fikrimcə, burada “ONOVA” məşğul olduğu iş sahələrini qoşmaq xüsusilə vacibdir, çünki icmalarla sıx əməkdaşlıq etmədən, investisiyaların həcminin keyfiyyətcə qiymətləndirilməsi, rəqəmsallaşması olmadan beynəlxalq institut, fond və bizneslərlə iş qurmaq mümkün deyil”, – qeyd edib “TƏRƏZİ” UABA-nın prezidenti Cəlal Hüseynov.
“ONOVA” Ukrayna Yenilənmə Liqası enerjiyə qənaətcil, müasir, insanlar üçün əlverişli məkanlar və binalar yaratmaq üçün birlikdə işləyən şəhər, icma, donor və ifaçıları birləşdirir. Məqsəd şəhərləri, icmaları və iqtisadi sektorları yeniləməkdən ibarətdir. Təşkilat artıq Ukraynanın yenidən qurulması üzərində fəal işləyir.
“ONOVA” Ukrayna Yenilənmə Liqasının iştirakçıları:
- ONOVA” Ukrayna Yenilənmə Liqasının GIS HUB xidmətindən pulsuz istifadə və əməkdaşlıq haqqında memorandum və sazişlər imzalanmış Ukrayna icmaları, dövlət qurumları və ixtisaslaşmış nazirlikləri;
- Ukraynadan və xarici ölkələrdən investorlar, beynəlxalq donorlar;
- yerli və xarici sahibkarlıq subyektlərinin, podratçı təşkilatların nümayəndələri: proqram təminatçıları və qurucular, xidmət və material təminatçıları;
- layihələrin həyata keçirilməsində təhlil və əməkdaşlıq üçün əməkdaşlıq mexanizminə və şəffaf məlumatlara çıxış əldə edəcək ictimai təşkilatların, müstəqil ekspert birliklərinin, kütləvi informasiya vasitələrinin nümayəndələri.
