Son 10 ay ərzində Azərbaycan ilə Ukrayna arasında ticarət dövriyyəsinin həcmi Ukrayna istehsalçıları üçün 450 milyon qrivnaya çatıb. Bu barədə çərşənbə günü Ukraynanın Azərbaycan Respublikasındakı səfiri Yuri Qusev Azərbaycanın Ukrayna sahibkarlarının videokonfransında bildirib.
Tədbirdə UABA “TƏRƏZİ”nin prezidenti Cəlal Hüseynov çıxış edib. “Dəvətə və Ukrayna-Azərbaycan Biznes Assosiasiyası “TƏRƏZİ”ni təqdim etmək imkanı üçün dərin təşəkkürümü bildirirəm. Strateji mövqelərə malik olan Ukrayna və Azərbaycan Qərb, Mərkəzi Asiya və Şərq arasında körpü olmaq üçün ümumi potensiala malikdir. Bu, beynəlxalq bazarlara çıxmaq istəyən Ukrayna sahibkarları üçün yeni perspektivlər açır.
Assosiasiyamız Ukrayna və Azərbaycan şirkətlərini beynəlxalq inkişaf yolunda dəstəkləməyə, onlara lazım olan resurs və məsləhətlər təqdim etməyə davam edir. Gələcək əməkdaşlıq və yeni uğurlu layihələri səbirsizliklə gözləyirik!” – UABA rəhbəri bildirib.
Ukraynanın Azərbaycandakı səfirliyi tərəfindən təşkil olunan konfransda Azərbaycanla əməkdaşlığa böyük marağı nümayiş etdirən təxminən 50 Ukrayna şirkəti iştirak edib. Spikerlər Azərbaycanda biznesin təşkili ilə bağlı praktiki məsələləri müzakirə edərək ölkələrimiz arasında iqtisadi əlaqələrin inkişafı üçün böyük potensialı vurğulayıblar.
