Ukrayna hökuməti iqtisadiyyatın bərpası və yenidən qurulması üçün investisiya layihələrinin həyata keçirilməsi üçün əlverişli şərait yaratmağa davam edir. Bu yaxınlarda Ukrayna Ali Radası torpaq sahələrinin təyinatının dəyişdirilməsinin sadələşdirilmiş proseduru haqqında qanun qəbul edib. Bu, icazələrin alınması müddətini bir neçə ildən bir neçə aya qədər xeyli azaldacaq.
Qanun aşağıda qeyd edilən sənədlərin məcburi surətdə hazırlanmasını ləğv edir:
- şəhərsalma sənədləri;
- yaşayış məntəqələrindən kənar ərazilərdə torpaqların təyinatı üzrə istifadəsinin kənd təsərrüfatından sənayeyə dəyişdirilməsi üçün torpaqquruluşu sənədləri.
Torpaq sahələrinin təyinatının dəyişdirilməsi barədə qərarı onların mülkiyyətçisi qəbul edir. Dövlət Torpaq Kadastrına məlumatların daxil edilməsi üçün ərizə və torpaqdan istifadə məhdudiyyətlərinə əməl olunması barədə şəhərsalma və memarlıq orqanının əsaslandırılmış rəyinin təqdim edilməsi kifayətdir. Aşağıdakı obyektlərin tikinti zamanı torpağın təyinatının dəyişdirilməsinin sadələşdirilmiş prosedurundan istifadə olunacaq:
- sənaye müəssisələri və anbarlar;
- kənd təsərrüfatı, meşə və balıqçılıq binaları;
- boru kəmərləri, rabitə və elektrik xətləri;
- sənaye kompleksləri.
Qanunun bu müddəası hərbi vəziyyət dövründə və Ukraynada hərbi vəziyyətin dayandırıldığı və ya ləğv edildiyi tarixdən 5 il sonra qüvvədə olacaq. Qanunun tətbiqi xüsusiyyətləri haqqında ətraflı məlumat http://surl.li/qxtqx
Sadələşdirilmiş mexanizm köçürülmüş müəssisələr, multimodal terminallar, Dunaydakı limanlar, məcburi köçkünlər üçün mənzillər, mühəndis-kommunikasiya şəbəkələri, yol və nəqliyyat infrastrukturu obyektləri üçün artıq 2022-ci ildən tətbiq edilir.
