Azərbaycanın ATEF Group şirkəti Ukraynada yeni elektrotexnika istehsalının yaradılmasına 3 mlrd qrivna investisiya yatırmağı planlaşdırır.
Layihə 12 hektar ərazidə transformatorların və digər elektrotexniki avadanlıqların istehsal ediləcəyi kompleksin tikintisini nəzərdə tutur.
Müəssisə Zakarpatya vilayətində yerləşən, ümumi sahəsi 18 hektardan çox olan “Xust” sənaye parkının tərkibində fəaliyyət göstərəcək. Parkın infrastrukturunun inkişafına əlavə olaraq 1,2 mlrd qrivnadan çox investisiya yatırılması nəzərdə tutulur.
Layihəyə UkraineInvest tərəfindən dəstək göstərilir.
İnvestisiya planlarının həyata keçirilməsi Ukraynada sənaye istehsalının inkişafına və Ukrayna ilə Azərbaycan arasında iqtisadi tərəfdaşlığın dərinləşməsinə töhfə verəcək.
Ətraflı — https://surl.li/ugnrlg
